"Цагаан туузтаны хөдөлгөөн"-нд Улсын хоёрдугаар төв эмнэлэг нэгдэж байна.

Нийтэлсэн огноо: 2019-12-02

Дэлхийн 180 гаруй улс жил бүрийн 11 дүгээр сарын 25-наас 12 дугаар сарын 10-ны өдрүүдэд “Жендэрт суурилсан хүчирхийлэлтэй тэмцэх 16 хоногийн аян”-г нэгдмэл зорилго, нэг уриан дор тэмдэглэн өнгөрүүлдэг. Энэхүү аяны зорилго нь хөвгүүд эрчүүдийн оролцоог хангах замаар охид, эмэгтэйчүүдийн эсрэг үйлдэгдэж буй аливаа хүчирхийллийн эсрэг хөдөлгөөнд нэгдэж, хэзээ ч “Хүчирхийлэл үйлдэхгүй, хүчирхийллийн хажуугаар чимээгүй өнгөрөхгүй” хэмээн илэрхийлдэг. Энэ жил “Ойлгоё Хүндэлье-Гэр бүлийнхээ төлөө” уриан дор нэгдэж байна.

"Цагаан туузтаны хөдөлгөөн"-нд Улсын хоёрдугаар төв эмнэлэг нэгдэж 2019 оны 12 дугаар сарын 2-ны өдрийн 10:00-11:00 цагт тус эмнэлгийн эмч, эмнэлгийн ажилчид болон үйлчлүүлэгч нийт 100 гаруй иргэнд тус аяны талаарх мэдээ, мэдээллийг хүргэлээ.